هاوپۆل: دەنگ و باس

سیستەمێ ئەلیکترۆنییێ داخوازکرنا باوەرنامەیان

د دەمێ نوکە دا جیهان د ڕەوشەک خراپ و ترسناکدا دەربازدبیت، ئەڤێ ڕەوشێ کارتێکرنەک نەرێنى و ڕاستەوخۆ ل تەڤایا بوار و سێکتەرێن ژیانێ کرییە. هەروەسا گەلەک وەلاتێن جیهانێ باج و قوربانی ب سەروەتێن مرۆڤى و ماددى داینە، لێ بەلێ ب سایا سەرێ حکومەتا مە و کارکرنا بەردەوام ژبۆ پاراستنا هەڤوەلاتییان، کوما کارى یا حکومەتێ؛ شیان ب کێمترین زیان دوخێ نەخۆش ل وەلاتێ مە کونترۆل بکەن.

ئەو تشتێ ئەم دخوازن لڤێرێ بێژن ئەڤەیە، کو زانکۆیا زاخۆ سەرەرایى ڕەوش و دوخێ نالەبارێ جیهانێ، لسەر کارکرن و پێشڤەبرنا گشت بوارێن زانست و مەعریفەیێ و ب تایبەت د بیاڤێ ب ئەلیکترۆنیکرنا هەمى کاروبارێن زانکۆیێدا؛ ب نویترین و پێشکەڤتیترین سیستەم ب شەڤ و ڕۆژان بەردەوام بوویە. ستافێ کارى د ماوەیێ کارکرنا خۆ دا شیان چەندین دەستکەڤتێن نوى و دیرۆکى تۆماربکەن، ئێک ژ ئەوان دەستکەڤتان (سیستەمێ ئەلیکترۆنى یێ داخوازکرنا باوەرنامەیان ب شێوازەکێ نوى و سەردەمیانە) بوو.

سیستەمێ داخوازکرنا باوەرنامەیان ب باشترین کوالێتى و ب سێ زمانێن سەرەکى (کوردى، ئینگلیزى، عەرەبى) ژبۆ دەرچوویێن زانکۆیا زاخۆ کو ل هەر جهـ و وارەکێ بن کەڤتییە کارى. ب ئەڤێ میکانیزمێ قوتابیێن دەرچوویى دێ شێن ب ئاسانترین ڕێک داخوازا باوەرنامەیا خۆ ژ ڕێڤەبەرییا تۆمارا گشتى بکەن، ژبۆ بدەستڤەهینانا: ١) باوەرنامەیا نمرەیان، ٢) باوەرنامەیا دەرچوون، ٣) دیپلۆم (باوەرنامەیا دیوارى)، و ٤) پشتگیرى.

هندەک ژ شیان و سالوخەتێن تەکنیکى یێن سیستەمێ داخوازکرنا باوەرنامەیان:

پپێنگاڤا ئێکێ فەرە (قوتابییێ دەرچوویى) ناڤێ خۆ د سیستەمیدا تۆماربکەت، پاشان ب ئاسانترین ڕێک داخوازا باوەرنامەیا خۆ یا پێدڤى بکەت. داخوازکار دشێت برێیا سیستەمى بزانیت، ئەو بەلگەنامەیا وى داخوازکرى گەهشتییە چ قوناغ وەک (هاتە وەرگرتن، پشتراستکرن، پشکنین کرن، ژبۆ  هەلگرتنێ ئامادەیە و هاتە گەهاندن). پاشان لدووماهییێ دێ ئیمێلەک بۆ داخوازکارى هێتە فرێکرن و دێ پەیاما لبەردەستبوونا باوەرنامەیا داخوازکرى و ئامادە ژبۆ وەرگرتنێ گەهینت. هەروەها داخوازکار دشێت ناڤێ چەند کەسان بنڤێست، کو ئەوان مافێ وەرگرتنا باوەرنامەیا وى هەیە، ئەگەر داخوازکار نەشێت بهێت و باوەرنامەیا خۆ وەربگریت.

ژلایەکی دیڤە، سیستەمی گەلەک سالوخەتێن دی هەنە بۆ ڕێکوپێکرن و کارئاسانیکرنا یەکا باوەرنامان ل ڕێڤەبەریا تومارا گشتی وەک هەمی جورێن ئامارا، گەلەک جورێن ڕاپورتا، کارێن لبەردەست، کارێن د پروسێسێدا، کارێن هاتین ئەنجامدان، هەر فەرمانبەرەک چەند کار لدەفە و گەلەک سالوخەتێن دی. هەروەسا هەر جورێ فەرمانبەرەکێ دناف سیستەمیدا تایبەتمەندیێن خۆ هەنە، کو هەر ئێک ژ ئەوان کارێ خۆ یێ تایبەت دناف سیستەمیدا ئەنجام بدەت، وەک (وەرگرتن، ووردبینی، ئامادەکرن، وەرگێران…) بێ کو کارێن کەسێن دی ببینیت.

لدوماهیێ دێ بێژین کو ئەڤ سیستەمە بەرهەمێ ستافێ زانکۆیا زاخۆ یە، کو ژلایێ بەرێزان م. محمد هیثم ب سەرپەرشتیا د. عبدالحکیم عثمان (ڕێڤەبەرێ تۆمارا گشتى) و پ.هـ.د. کاروان فهمی (هاریکارێ سەروکێ زانکۆیێ بو کاروبارێن قوتابیان) و م.کوڤان عبدالجبار (ڕێڤەبەرێ سەنتەرێ تەکنۆلۆژیا زانیارى و ئامارێ) و محمد نصیر هاتیە دروستکرن.

بۆ دیتنا سیستەمێ ئەلیکترۆنى، لینکێ لخوارێ دیارکرى کلیک بکەن:

http://diploma.uoz.edu.krd

زانكۆيا زاخۆ ده‌ستپێشخه‌رييه‌ك ئاراسته‌يى وه‌زاره‌تا خواندنا بلند كر

زانكۆيا زاخۆ ده‌ستپێشخه‌رييه‌ك ئاراسته‌يى وه‌زاره‌تا خواندنا بلند كر

ل ڕۆژا شه‌مبييێ ڕێكه‌ڤتى (28/3/2020) لده‌مژمێر (11:00) سپێدێ، ڕێزدار پرۆفيسۆرێ هاريكار دكتۆر (كاروان فه‌همى سامى) هاريكارێ سه‌رۆكێ زانكۆيا زاخۆ بۆ كاروبارێن قوتابييان و به‌رێز دكتۆر (عه‌بدولحه‌كيم ئۆسمان محه‌مه‌د) ڕێڤه‌به‌رێ تۆمارا گشتى ل سه‌رۆكايه‌تييا زانكۆيا زاخۆ، ب ئاوايه‌كێ فه‌رمى پشكدارى د ئێكه‌مين كۆمبوونا ڕاسته‌وخۆ (ئونلاين) يا ليژنه‌يا بلند يا وه‌رگرتنا قوتابييان ل زانكۆ و په‌يمانگه‌هێن هه‌رێما كوردستانێ يا وه‌زاره‌تا خواندنا بلند و ڤه‌كۆلينێن زانستيدا كرن.

لده‌سپێكێ ژ لايێ سه‌رۆكێ ليژنه‌يا بلند كورته‌ په‌يڤه‌ك هاته‌ خواندن و بخێر هاتنا هه‌مى ڤه‌خواندييێن كۆمبوونێ كر، پاشان ب هويربينى ئاماژه‌ ب پرۆسێسا خواندنا ئه‌ڤ ساله‌ يا قوتابييان و چاره‌نڤێسێ خواندنێ و ڤايرۆسێ كورۆنا (Covid-19) دا. ژ لايه‌كێ ديتر سه‌رۆكێ ليژنه‌يێ بابه‌تێ وه‌رگرتنا قوتابييان بۆ سالا نوى يا خواندنێ (2020ـ2021) و هه‌ماهه‌نگييا وه‌زاره‌تا خواندنا بلند دگه‌ل وه‌زاره‌تا په‌روه‌رده‌يێ خسته‌به‌ر دانوستاندنێ. ب ئه‌ڤێ چه‌ندێ گشت ئاماده‌بوويان ديتن و بۆچوونێن خۆ ده‌ربرين و چه‌ندين پێشنيار ئاراسته‌يى وه‌زاره‌تا خواندنا بلند ژبۆ چاوانييا خۆ ئاماده‌كرنێ ژبۆ پرۆسێسا وه‌رگرتنا قوتابييان هاتنه‌كرن.

ڕێزدار دكتۆر (كاروان فه‌همى سامى) ده‌ستپێشخه‌رييه‌ك ئاراسته‌يى وه‌زاره‌تا خواندنا بلند كر و گۆت: ئه‌م وه‌ك زانكۆيا زاخۆ ئاماده‌ييا خۆ ڕادگه‌هينن و ژبۆ هه‌ر كار و پێشهاته‌كێ هه‌ڤكار و پشته‌ڤانێن ملله‌تێ خۆ نه‌، له‌ورا ئه‌م وه‌ك زانكۆ پێشنيار دكه‌ن كو ئه‌ڤ ساله‌ ڕێژه‌يا وه‌رگرتنا قوتابييان ل زانكۆ و په‌يمانگه‌هان بلند بببت، هه‌روه‌سا گرنگييه‌ك زێده‌تر ب خواندنا ئێڤاران بهێته‌دان و هه‌مى پشكێن (زانستى و وێژه‌يى) بهێنه‌ ڤه‌كرن، هه‌لبه‌ت ئه‌ڤ چه‌نده‌ ژى دێ خزمه‌تا به‌رژه‌وندييا گشتى يا ملله‌تێ مه‌ كه‌ت.

جه‌نابێ دكتۆرى زێده‌تر گۆت: ژبۆ ئه‌ڤێ مه‌ره‌مێ ستافێ زانكۆيا زاخۆ د ئاماده‌باشييه‌ك ته‌مام دايه‌ و به‌رهه‌ڤه‌ هه‌مى به‌شێن خواندنێ (زانستى و وێژه‌يى) ل خواندنا ئێڤاران ڤه‌كه‌ت.

پاشان سه‌رۆكێ ليژنه‌يێ ل وه‌زاره‌تا خواندنا بلند ته‌وه‌ره‌ك ديتر ژى ئازراند، ئه‌و ژى ته‌وه‌رێ (پرۆسێسا بۆلونا). پشتى گه‌نگه‌شه‌يه‌ك زانستى ژ لايێ ئاماده‌بوويێن كۆمبوونێ هاتييه‌كرن، بريارا دروستكرنا ليژنه‌يه‌كێ لسه‌ر ئاستێ گشت زانكۆيان هاته‌دان. ب خۆشحاليڤه‌ ڕێزدار هاريكارێ سه‌رۆكێ زانكۆيا زاخۆ وه‌ك ئه‌ندامێ كارا يێ ليژنه‌يێ هاته‌ دياركرن و د ماوه‌يێ داهاتيدا دێ چه‌ندين پێنگاڤێن نوى و بريارێن نوى لدور (پرۆسێسا بۆلونا)، كو د به‌رژه‌وه‌ندييا گشتيدا بن ب ئاوايه‌كێ فه‌رمى هێنه‌ ده‌رئێخستن.

لدووماهييێ فه‌ره‌ بێژين، كو پشتى ئه‌ڤ ڕه‌وشا نه‌خۆش و ڤايرۆسێ كورۆنا تووشى ژيان و مرۆڤايه‌تييێ بوويى، ل پڕانييا وه‌لاتێن جيهانێ ده‌رگه‌هێن خواندنگه‌هـ و زانكۆ هاتينه‌ دائێخستن. له‌ورا ژلايێ ليژنه‌يێن بلند يێن وه‌زاره‌تان هه‌ولا ديتنا رێيه‌ چاره‌يان ژبۆ ڕه‌وشا خواندنێ دهێته‌كرن، خۆشبه‌ختانه‌ ل هه‌رێما كوردستانێ ژى ئه‌ڤ هه‌ول و پێكوله‌ هه‌ر ژ ده‌ستپێكا په‌يدابوونا ڤايرۆسى و گرتنا ده‌رگه‌هێن سازيێن خواندنێ ب به‌رده‌وامى دهێنه‌كرن.

ئاگه‌هداریه‌ك ژ ڕێڤه‌به‌ریا تۆمارا گشتى بۆ قوتابیێن نوى هاتینه‌ وه‌رگرتن

ڕێڤه‌به‌ریا تۆمارا گشتى ل سه‌رۆكایه‌تییا زانكۆیا زاخۆ ئاگه‌هداریا قوتابیێن ده‌رچوویێن قوناغا دوازدێ ئاماده‌یى (زانستى و وێژه‌یى) ئه‌وێن نوى ل زانكۆیا زاخۆ هاتینه‌ وه‌رگرتن دكه‌ت، كو ده‌رگه‌هێ تۆماركرنێ دێ ل ڕۆژا ئێكشه‌مبێ ڕێكه‌ڤتى (13/10/2019) هێته‌ ڤه‌كرن و تۆماركرنا قوتابییان دێ ل تۆمارێن كۆلیژ و فه‌كۆلتیان ده‌ستپێكه‌ت.

پێدڤیێن تۆماركرنا ناڤێن قوتابیێن نوى هاتینه‌ وه‌رگرتن بۆ سالا خواندنێ (2019/2020)

  1. ١- باوه‌رنامه‌یا ده‌رچوونێ یا باوه‌رپێكرى
  2. ٢      10 وێنه‌
  3. كارتا زانیارى (2 دانه‌ كۆپى ڕه‌نگا و ڕه‌نگ(
  4. پشتگیریا ئاكنجیبوونێ
  5. تاقیكرنا چاڤان
  6. تاقیكرنا خوینێ
  7. ناسنامه‌یا بارێ شارستانى (2 دانه‌ كۆپى ڕه‌نگا و ڕه‌نگ)
  8. ڕه‌گه‌زنامه‌یا ئیراقى (2 دانه‌ كۆپى ڕه‌نگا و ڕه‌نگ)
  9. كارتا ئاهێن خوارنێ (2 دانه‌ كۆپى ڕه‌نگا و ڕه‌نگ)
  10. لیسته‌یا زانكۆلاین ئه‌ڤا جهێ لێ هاتییه‌ وه‌رگرتن